குயிலே

கோவிந்தன் குணம் கூவாய் - குயிலே !
கோவிந்தன் குணம் கூவாய் ...

திருமகள் நேயன் ; திகழொளி மார்பன் ..
தீரம் உணர்ந்த தருணமதிலே

வந்தனை செய்வோரின் குந்தகம் நீக்கிடும்;
வாழ்க்கை படகினை கரை தனில் ஏற்றிடும்;
தாசனின் மனதினை காதலில் நெகிழ்த்திடும்;
குணம் கூவாய்; சுகம் காண்பாய் ..
குயிலே !!!

வேங்கட ரமணா...

திருமலையில் வாழும் வேங்கட ரமணா..
அருள் மழையை பொழியும் ஆனந்தநிலையா..

மனமொன்று உண்டு மறை புகழும் வேந்தா
உனைஅங்கு வைத்தேன் ஒரு வரம் நீ தாராய்!..

உனை அன்றி உலகில் உறவேதும் இல்லை ..
உன் நினைவையன்றி உணர்வேதும் இல்லை ..
வனமாலை தரிக்கும் ; வசுதேவன் மைந்தா
தாசனுக்கிரங்க தாமதம் ஏனோ!!

பிரிவாற்றாமை

என் கண்களாலே கண்டேன் கண்ணா

நீ கோபியர் கூவிட ஓடிடும் அழகினை .. என்..

உன் நெஞ்சினில் நேசமில்லை!! நினைத்திட ஆசை இல்லை!

பரிவென்ன பாறையில் மலர்ந்திடுமா?...

மாயவன் அணிந்துள்ள மாலையே நீ கேளு !

ஓயாமற் பருகுவேன் நாமாம்ருத பாணம்..

உறவென்ன ஊடலில் உடைந்திடுமா ?

ஹோலி

வண்ணங்கள் அள்ளி தெளிக்காதே கண்ணா

ஹோலியன்று புத்தாடை மேல்..

தோழியர் குழாம் கேளி செய்யும்..

உன் ஜாலம் கண்டால், மணிவண்ணா

(வண்ணங்கள் ...)

வானவில் மின்னி ஒளிர்ந்திடும் போதுன்..

காதலில் நனைந்திட காத்திருக்கையிலே,

வானவில் வண்ணங்கள் வாரியெடுத்தென்

எண்ணத்தை முறித்திட முடிவு செய்து..

(வண்ணங்கள் ...)